MÜAYİNƏDƏN KEÇMƏK İSTƏYƏN PASİENTLƏRİN NƏZƏRİNƏ

Xahiş edirik müayinə vaxtınıza 10 dəqiqə tez gəlin və şəxsiyyət vəsiqənizi özünüz ilə götürün. Ünvan: Milli Onkologiya Mərkəzi, Diaqnostika korpusu, 1116-cı otaq, MRT kabineti. Əgər bədənizdə dəmir protez, süni ürək aparatı və d. tibbi qurğularınız varsa bu haqda bizə öncədən məlumat verin. Əks halda müayinə vaxtı xəsarət ala bilərsiz.

 

Nəzərinizə çatdırırıq ki, bəzən tibbi cihazlarda donma baş verir və bu səbəbdən müayinə vaxtı gecikir. Belə hallarda sizdən təmkinli olmağınızı xahiş edirik. 

Hörmətli pasientlər,

Sizə təyin olunan müayinə vaxtı təxminidir və gecikmələr bizdən asılı olmayan səbəblərdən baş verə bilər. Xahiş edirik işlərinizi ona uyğun planlayasınız.

Müayinəyə gələrkən aşağıdakı sənədlərin bir nüsxəsini özünüz ilə səliqəli şəkildə bir qovluqda (papkada) gətirin və bizə təqdim edin:

1. Təsdiq edilmiş diaqnozunuz - histoloji müayinənin (əkmənin) rəyinin bir nüsxəsi (kopyası).
2. Cərrahi əməliyyat olmusuzsa onun epikrizinin bir nüsxəsi.
3. Tarix ardıcıllığı üzrə düzülmüş  öncəki MRT, KT, UZİ, PET-KT, rentgen, mammoqrafiya, qastroskopiya, kolonoskopiya (nə varsa) müayinələrinin sizdə mövcud olan bütün nəticələri və diskləri. Disklərin üzərində adınız,  soyadınız, müayinə növü (KT və ya MRT) və müayinə tarixi yazılmalıdır! Əgər diskin üzərində (disk konvertinin üzərində yox) sözü gedən məlumatlarınız yazılmayıbsa, o diskləri sizə təqdim edən klinikanın məsul əməkdaşlarına yaxınlaşın və onlardan bu məlumatları diskin üzərinə yazmalarını tələb edin.
4. Ən son qan təhlillərinizin nəticələrinin nüsxəsi
5. Hazırda həkimə ünvanlamaq istədiyiniz suallarınızı və şikayətlərinizi, cərrahi əməliyyat tarixlərini, ən son almış olduğunuz spesifik müalicə tarixləri və spesifik dərman preparatlarının adlarını oxunaqlı şəkildə A4 kağızına yazıb qovluğa əlavə edə bilərsiniz. Sizə rəy yazılarkən qeyd etdiyiniz məqamlara xüsusi diqqət göstərəcəyik. 

Məqsədimiz Sizə daha yaxşı tibbi xidmət göstərməkdir.

Müayinə nəticələrini nə vaxt əldə edəcəyik?

 

Müayinə nəticələrinizi 1 iş günü sonra saat 14:00-16:00 arası müayinə olunduğunuz otaqdan disk və raport şəklində ala bilərsiz. Xahiş edirik sizə təqdim olunan diski 3 gün ərzində kompüterinizdə yoxlayın.  

MRT müayinəsinə qəbul necə aparılır?

Müayinəyə gələn xəstələr özləri ilə şəxsiyyət vəsiqəsini və varsa əvvəlki tomoqrafiya müayinələrinin disk və rəylərini səliqəli şəkildə bir qovluqda gətirmələri və şöbənin əməkdaşlarına təqdim etmələri xahiş olunur. Təqdim edəcəyiniz disklərin üzərində adınızın və soyadınızın, müayinə növünün (KT və ya MRT) və müayinə tarixinin yazılı olmasından əmin olun. Hər hansı bir cərrahi əməliyyat keçirmisizsə xahiş edirik əməliyyat epikrizinin nüsxəsini bizə təqdim edin. Səhhətiniz ilə bağlı hər hansı bir tibbi məlumat (şikayətləriniz və ya müayinə nəticələri ilə bağlı sizi və ya sizi müalicə edən həkiminizi maraqlandıran spesifik suallar, keçirtdiyiniz əməliyyatlar və s.) xahiş edirik bütün bunları yazılı şəkildə A4 kağızına qeyd edib bizim əməkdaşlara verəsiniz. Hamilə qadınlar müayinədən əvvəl mütləq şöbənin tibb personalına bu haqda məlumat verməlidirlər.

BU ƏŞYALAR İLƏ MRT CİHAZININ QURAŞDIRILDIĞI OTAĞA GİRMƏK QƏTİ QADAĞANDIR

MRT təhlükəsizliyi 2.png
Screen Shot 2021-01-10 at 12.02.57.png
me new.png
Apple Vector 2.png
Google Play Vector.png
purview.png